Sulmuesi pejan shënoi në të 81’, duke çuar rezultatin teknik 6-1. Lojtari i Dinamos realizoi me kokë, duke shfrytëzuar një krosim nga krahu i majtë. Reali e fitoi ndeshjen me rezultatin 6-2. Beqiraj kundër Realit shënoi golin e tij të parë në fazën e grupeve të Champions. Por, edhe për Realin ky ishte goli i parë i pësuar në këtë fazë."Do të ishte shumë më mirë sikur të shënoja në një ndeshje që do të kishte rezultat tjetër. Megjithatë, edhe pse humbëm 6-2 goli i shënuar ka domethënie të madhe për mua dhe për karrierën time.
Është goli i parë i shënuar në këtë fazë. Të shënosh golin e parë kundër Realit dhe atë në stadiumin legjendar “Santiago Bernabeu”, nuk është pak. Golin që shënova kundër Realit do ta kujtoj gjatë", ka thënë Beqiraj të mërkurën për gazetën "Sport Ekspres" nëpërmjet telefonit
