Casey Stoner ka fituar Çmimin e Madh të Çekisë të zhvilluar në Brno. Piloti australian i Hondës ka kaluar i pari vijën e finishit duke lënë pas pilotët italianë Andrea Dovizioso dhe Marco Simoncelli.
Vetëm në vend të katërt ka përfunduar garën kampioni i botës në fuqi, Jorge Lorenzo, i ndjekur nga shoku i tij i skuadrës Ben Spies në vendin e pestë.
Ndërsa Valentino Rossi me Ducati vazhdon serinë e tij të rezultateve negative duke mos arritur më shumë se vendi i gjashtë.
