Portieri i Chelseas, Petr Cech, beson se trajneri i ri Andre Villas Boas do të jetë në drejtim të ekipit për vite me radhë. Villas Boas zuri vendin Carlo Ancelotti-t i cili u shkarkua nga drejtuesit e Chelseat.
Villas Boas është trajneri i gjashtë i Chelseas në shtatë vitet e fundit dhe ende pa filluar punën kanë filluar spekulimet se sa do të mund të mbetet në klub, ku pronari Roman Abramovich vazhdimisht kërkon standarde të larta.
Cech beson se stabiliteti në klub do të ishte ideal, duke përmendur shembullin e Sir Alex Fergusonit në Manchester United.
"Është vështirë të shpjegohet pse është kështu në Chelsea. Por, tani kemi një trajner të ri dhe shpresojmë të mbetet për 25 vite si Fergusoni tek Manchester United. Do të ishte mirë të kemi një stabilitet të tillë", tha Cech për tabloidin britanik The Sun. /
