Mbrojtësi i Barcelonës dhe Brazilit, Dani Alves beson se Lionel Messi nuk është në formën e tij më të mirë me Argjentinën, për shkak se ai nuk ka mbështetje nga lojtarët e Camp Nou.
Nikoqiri i Copa America nuk arriti më shumë se një barazim 1-1 kundër Bolivisë.
“Në Argjentinë ata duan që Messi të jetë ashtu siç është për Barcelonën, por ai nuk ka të njëjtit bashkëlojtarë”, deklaroi Alves për shtypin, sipas Sport.es.
“As edhe lojtari më i mirë në botë nuk mund të fitoj një ndeshje i vetëm”.
Brazili takohet në Copa America me Venezuelën të Dielën mbrëma në ora 21:00.
