Trajneri i Arsenalit, Arsene Wenger është duke u përgatitur që ta shesë asin e tij te Real Madridi.
Sunday Mirror shkruan se Arsenali nuk ka arritur një marrëveshje me Nasrin për rinovimin e kontratës dhe francezi është në rrugë të mirë për tu larguar nga Topçinjtë.
Real Madridi dhe Manchester City janë të interesuar për lojtarin ndërsa Wenger nuk dëshiron që atë ta shesë në një klub anglez dhe si duket Reali është favorit në garë për të.
Nasri ka vetëm edhe një vit kontratë te Arsenali ndërsa nëse nuk transferohet te ndonjë klub tjetër apo rinovon kontratën me Topçinjtë atëherë ai do të largohet si transfer i lirë.
